الرئيسية
سلااام حبايبي
في الماضي كان هناك غلآم اسمو -ت-ش-ف-ي-ر- كان عايش مع امه وابوه ويعاملونه بعنف عشان يطلع رجآل بس هو قلبه كبير ويسامح خير شر وكان يتلقى انواع التسطير في المدرسه قدر الرب ان يصنع منه انسان يغير درب حياته وفي ذات يوم قال بصير شرير ... وفي صباح يوم جميل جا ابوه بخيزرانة بعير وقعد يمتر بظهر خوينا سن توب لين استقآم وراح يفطر وعطته امه صامولي وعصير سن توب هو كان نفسه ب5 ريال يتونس فيها بس مافي امل داوم ووصل عند بوابة المدرسه وكان هو صف 5 ابتدائي وانا صف أول ابتدائي وكنت انا مستانس اول سنه يقطع ام الوناسه وشفت طالب منتهي ثوبه حق السنة الماضية وعلى عينه شخطة سكين ومسوي انا قوي وعلى ثوبه بالتحديد عند الجيب الأمامي مطبوع أطلز وإخوانه للتسطير والهواش وكان معه اثنين هيط عاشق وسلطآن الرومنسية خش بطلنا المدرسه وقام اطلز وطقته يهايطون عليه وعاشق خذ الصامولي وسلطان خذ عصير سن توب واطلز قاعد يسطر في سن توب
انا من نظرتي شفت في سن توب القوة والمهاره يقدر يكفخ اطلز بس هو لازم يشرب ماونتن ديو بدال سن توب<< عشان يقوي قلبه
مسكين سن توب تسطر وتصفق رجع البيت منطم ومنثبر قالت له امه العصر بنروح عند ام توتو لنا مده مازرناها
عاد بيتنا ع شارع الستين وهناك كنت ارآقب سن توب كان يتمنى يفحط بس وتحقق حلمه لقى سياره فاضية واستلمها وعطها يمين وعطى شمال وانواع الجنوط لكن الغشيم غشيم لو شرب فيفادول
طررررررخ بعمود كهربا
سن توب وهو في حالة هذيان : الله يلعن شركة الصرف الصحي مالقو يحطون برج جوال غير هنا
شفته مغمي عليه رحت لعنده وشفت خشمه منعفط ولاف يسار
توتو : ياولد من الأرض الى سن توب هل تسمعني
سن توب : آآي انا مين
توتو (يتحدث مع نفسه) : اها فقد ذاكرته انا هلحين بصنع منه قاتل
شوف انت اسمك 4 انت اقوى واحد ومره انقذتك من التسمم بكبسه بمطعم هنود وأقسمت انك تحميني
ومنذ تلك اللحظه تغير سن توب
وفي الصبآح الجميل
جا ابو سن توب بخيزرانة حق البعارين ومالقى سن توب في فراشه وفجأه صك سن توب الباب وبيده عجرا ويقول اليوم يومك وفطر ابوه من العجرا لين قال الحمدلله وطلع على امه وقال فطورك خليه لك عطيني ريالين << بس هذا اللي قادر عليه
وداوم واطلز في انتظاره ومن هنا شفت عقل اجرامي يوم قابلهم الثلاثي العنيف قط عندهم الريالين ونط سلطان وعاشق
سن توب : هذا يا اطلز وانت اقواهم ما تاخذ ريال << يبحث عن فتنه
اطلز : ماعندك ريال زياده
سن توب : اذا صفقت شلتك اعطيك ريالين
وما قصر سطر فيهم بعد تعب وعناء ... قام سن توب جمع الريالين حقه وعطاها اطلز واطلز عصب وحاول يفقع وجهه لكن العقل وشوية هياط اقوى من العضلآت واشتغل يسطر بعمي اطلز وجا سن توب ركض عندي
شاو دونق لقد فعلتها يا معلمي
توتو : شاطر شاطر بس فعلتها بالحمام ولا برى << يقصد حدث اصغر هع
سن توب : لا بوسط المدرسه قدام الطلاب
توتو : فشلتنا الله يفشلك عيب ماتستحي
سن توب : والثلاثه كلهم منسدحين في حالة فقدان وعي
توتو : ايييييه يحق لهم نداء الطبيعه
سن توب : انت وش قصتك اقصد هوشه مع الثلاثي الخطير
توتو : اها قبحتك الآلهه قول كذا من زمان ... وش رايك تفارق
ومن بعد تلك اللحظه سن توب خش السجن اكثر من مره لتحرشه ببنات الجاليآت وسرقته تمر من عند البسطه وقتل ثلاث بساس بحي الوزارات حتى من شدة كرهه للقطط سرق سيارة واحد حاط اللوحه
T O M 055
وآخر قضية له مسكوه وهو يغني مع خدامآت صوماليات راب عشان كأس العالم لكن الله يحفظ رجال الحسبه اللي وقفوه حده
الرجاء من اي واحد من اللي خش بسناريو البكشه مايزعل ولا يجي ع الخاص يكفخ فيني ترى صديقي سن توب بيسطر أي واحد يهايط علي
والموضوع من اسمه محشه
ترقبوا المحشآت القآدمه
